ЕЧЛ. 1/8 финал: «Дортмунд» серияси Лондонгача экан...

Ва иккаласи ўртасидаги биринчи учрашув шуни кўрсатдики, фаворит аслида немис клуби экан. Аммо «Боруссия» учун Лондонга етиб келиш бошиданоқ муаммога айланди. Биринчидан, дортмундликлар стадионга кечикиб келишди, бу эса ўйинни 10 дақиқага силжитди. Иккинчидан, жамоанинг асосий футболчиларидан Юлиан Брандт жароҳат туфайли 5-дақиқадаёқ майдонни тарк этишга мажбур бўлди. Учинчидан, «Боруссия»  ўйиндан ҳеч нарса ярата олмади. «Челси» эса аввалига меҳмонларнинг кетма-кет ҳужумларини хотиржам бартараф этиб, аста-секин фаоллашди ва танаффус арафасида Стерлинг саъй-ҳаракати эвазига ҳисобда олдинга чиқиб олди. Танаффусдан сўнг, Хавертц иккинчи уринишда пенальтини аниқ амалга оширди ва устунликни ўйин охиригача сақлаб қолишга муваффақ бўлди.

«Бенфика» эса Лиссабонда «Брюгге» қаршилигини мутлақо сезмади - 5:1!

***

Грем Поттер бир мавсумда Чемпионлар Лигасининг 5та ўйинида ғалаба қозонган иккинчи инглиз мураббийи бўлди. Бунгача 47 ёшли мутахассис бошчилигидаги «Челси» «Милан»ни икки бора (3:0, 2:0), «РБ Зальцбург» (2:1) ва «Динамо Загреб»ни (2:1) бир мартадан мағлуб этишганди. Илгари Бобби Робсон 2002/03 мавсумида «Ньюкасл» билан шундай муваффақиятга эришган.

7 март

ЧЕЛСИ - БОРУССИЯ Д. - 2:0 (1:0)

Лондон. «Стэмфорд Бриж» стадиони. 42000 томошабин.

Бош ҳакам: Данни Маккели (Нидерландия).

Голлар: Стерлинг (43), Хаверц (53-пен.).

Челси: Аррисабалага, Р.Жеймс, Кулибали, Кукурелья, Фофана, Чилуэлл, Лофтус-Чик, Пулишич, Ковачич (Пулишич, 83), Фернандес (Закария, 87), Хавертц, Стерлинг (Лофтус-Чик, 83), Жоау Фелиш (Галлахер, 67).

Боруссия Д.: Майер, Зюле, Шлоттербек, Геррейру, Брандт (Рейна, 5), Ройс, Жан, Озжан (Байно-Гиттенс, 64), Беллингем, Вольф, Аллер (Мален, 77).

Биринчи ўйин - 0:1

БЕНФИКА - БРЮГГЕ - 5:1 (2:0)

Лиссабон. «Эштадиу да Луж» стадиони, 60960 томошабин.

Бош ҳакам: Халил Мелер (Туркия).

Голлар: Рафа Силва (38), Рамуш (45+2, 57), Жоау Мариу (71-пен.), Нерес (77) - Мейер (87).

Бенфика: Влаходимос, Ба (Жилберто, 63), Отаменди (Морато, 74), Антониу Силва (Вериссимо, 88), Гримальдо, Жоау Мариу (Жоау Невеш, 74), Рафа Силва, Эурснес, Шикинью (Нерес, 63), Флорентину, Рамуш.

Брюгге: Миньоле, Мата (Одои, 63), Мехеле, Силла, Мейер, Ванакен (Ритс, 75), Нильсен, Ланг (Нвадике, 46), Соуа (Нуса, 75), Яремчук (Жудла, 62), Бьюкенен.

Биринчи ўйин - 2:0

8 март

БАВАРИЯ - ПСЖ

Биринчи ўйин - 1:0

ТОТТЕНХЭМ - МИЛАН

Биринчи ўйин - 0:1

14 март

МАНЧЕСТЕР СИТИ - РБ ЛЕЙПЦИГ

Биринчи ўйин - 1:1

ПОРТУ - ИНТЕР

Биринчи ўйин - 0:1

15 март

РЕАЛ - ЛИВЕРПУЛЬ

Биринчи ўйин - 5:2

НАПОЛИ - АЙНТРАХТ

Биринчи ўйин - 2:0

ТЎПУРАРЛАР:

Салоҳ (Ливерпуль) - 8та

Мбаппе (ПСЖ) - 7та

Винисиус (Реал) - 6та

Жоау Мариу (Бенфика) - 6та

Холанд (Манчестер Сити) - 5та...