Нигоҳ: 0:7 учун антиқа жазо

The Mirror нашрида ёзилишича, нидерландиялик мутахассис «қизил иблислар» тарихидаги энг шармандали мағлубиятлардан бирига ўз ўрнида реакция билдириб, бутун жамоани антиқа тарзда жазолашни лозим топди.

Таъкидланишича, Эрик тен Хаг ўйиндан сўнг шогирдларини сокин ҳолатда ўтириб, «Ливерпуль» футболчилари шовқин-суронлари ва ғалабани қандай нишонлашаётганини тинглашга мажбур этган. Мураббий шунинг баробарида футболчиларга юзланиб, уялишлари кераклигини айтган: «Билиб қўйинглар, Манчестерга пул тўлаб аянчли манзарани кўргани келган мухлислар билан эмас, балки клуб автобусида қайтаётганингиз - омадингиз. Акс ҳолда, қандай ҳолатга тушардинглар, тасаввур қилиш ҳам қийин...». Эрик тен Хаг яна футболчиларни бир неча ой олдин «МЮ»да иш бошлаган спорт психологи Ренье Керс раҳбарлигидаги янги сеансларга тайёр туришлари ҳақида огоҳлантирган.

ФАКТ

«МЮ»нинг жорий асрдаги энг йирик 10та мағлубиятидан 3таси Эрик тен Хаг даврига тўғри келмоқда. «Қизил иблислар» нидерландиялик мутахассис бошқарувида «Энфилд»да 0:7 кўринишида «куйиб» қолишдан олдин «Брентфорд» (0:4) ва «Манчестер Сити» (3:6)га ҳам йирик ҳисобда ютқазишганди.