РАКУРС: «Эль-Класико»нинг Ла Лигага «қора» томони
Бу сафарги «Эль-класико» Ла Лига обрўсига хизмат қилмагани аниқ.
Лекин йилнинг халқаро тақвимини Африка Миллатлар кубоги очиб берди ва Камерунда ташкиллаштирилган турнирда Сененал миллий жамоаси ўз тарихида илк марта қитъа чемпионига айланди. Асосий факт: Садио Мане етакчилигидаги Сенегал термаси Африка футболи тарихида олтин маррага етган 15-жамоадир. ФИФАга бўйсинувчи 6та конфедерацияни олганимизда эса, шу кунга қадар нақ 49та миллий жамоа қитъа чемпиони мақомига эришган. Лекин 6та конфедерациялар чемпионлари сони 50та. Гап шундаки, Австралия термаси 2та қитъа (Океания ва Осиё)да зафар қучган. Хуллас, бу борадаги ўзига хос «думалоқ» рақам баҳона goal24 тасвирлари воситасида 6та конфедерация бўйлаб сайрга чиқиб, чемпион жамоалар билан танишиб чиқамиз.
ЕВРОПА (УЕФА)
«Кўҳна қитъа» чемпионатининг 60 йилдан ошган тарихида нақ 10 миллий жамоа тахтга кўтарилган. Ҳозирда бу борада яққол пешқадам йўқ. Умуман, Европада 1 мартадан кўп чемпионлликка эришган жамоалар сони атиги 4та. Хусусан, Германия ва Испания миллий жамоалари музейида 3тадан қитъа кубоги бор. Франция ва Италия термалари эса бу борада «дубл»га эришгани билан мақтаниши мумкин. Қолган 6та жамоа Европа футбол тахтига 1 мартадан кўтарилган.
ЖАНУБИЙ АМЕРИКА (КОНБЕМОЛ)
Иштирокчи жамоалар рейтинги ва умумий қарашларга кўра, қитъа чемпионатлари орасида иккинчи ўринда қабул қилинадиган КОНМЕБОЛ бош турнири - Америка кубоги тарихи анча узун. Қолаверса, Жанубий Америкада қитъа чемпионати нақ 45 марта ташкил этилган. Таққослаш учун айтсак, Европа биринчилиги бундан 3 баравар кам ўтказилган. Шунга мувофиқ, ҳозирда Аргентина ва Уругвай миллий жамоалари қитъа чемпиони бўлиш бўйича жаҳон рейтингида ишонч билан пешқадамлик қилмоқда. Диққат қилинг, ҳар икки жамоа ҳисобида 15тадан кубок бор. Эътиборлиси, «пентакампеон» - Бразилия термаси ўз қитъасида икки етакчидан анча ортда қолмоқда. Бразилияликлар шу кунга қадар «Копа Америка»да 9 марта зафар қучишган. Тўғри, бу жаҳон рейтингидаги 4-юқори натижадир. Яна бир томони, КОНБЕМОЛнинг ҳозирги аъзоларидан 6тасида «олтин» бор. Бу конфедерациянинг 60 фоиз аъзоси чемпионлик таъмини татиб кўрганини англатади.
АФРИКА (АФК)
Африкада охирги Миллатлар кубогининг омадсиз финалчиси Миср термаси рақобатдан холи. «Фиръавнлар» қитъа кубогида жами 7 марта шоҳсупадан жой олишган. Энг яқин таъқибчи - Камерун миллий жамоасининг ҳам жаҳон рейтингидаги ўрни чакки эмас - 5 карра чемпион. Шунингдек, Гана футболи «қора қитъа»да 4 марта тенгсиз чиққан. Жами 15та миллий жамоанинг Африка чемпиони бўлгани эса АФК миқёсида рақобат чакки эмаслигидан далолат. Тўғри, бунда Африка жамоаларига барқарорлик етишмаслиги улуши ҳам бор, албатта. Қолаверса, африкаликлар ҳам тез-тез (асосан ҳар икки йилда) чемпионат ўтказишган.
ШИМОЛИЙ ВА МАРКАЗИЙ АМЕРИКА (КОНКАКАФ)
Савия бўйича фарқи осмон ва ерчалик катта турли жамоаларни ўз қанотига бирлаштирган КОНКАКАФ атиги 7та чемпионга эга. Бу борадаги пешқадам - Мексика миллий жамоаси 11та олтин медаль билан жаҳон рейтингида 3-ўринни эгаллаб турибди. Охирги йилларда футбол ривожига катта эътибор қарата бошлаган АҚШ миллий жамоаси музейида «КОНКАКАФ олтин кубоги» турнирида ютилган 7та олий пробали медаль бор. Тарихда Гаити, Гондурас ва Гватемала термалари ҳам чемпионлик нашидасини сурганки, бу КОНКАКАФнинг чиндан ҳам, энг ғаройиб конфедерация эканлигидан далолат.
ОСИЁ|АВСТРАЛИЯ (ОФК)
ОФК миқёсида Япония миллий жамоаси энг совриндор дружина мақомини ўзида сақлаб турибди. «Самурайлар» «сариқ қитъа»да 4 марта бош кубок соҳибига айланишган. Лекин 2та жиддий таъқибчи бор - Саудия Арабистони ва Эрон термалари Осиё чемпионатида 3 мартадан ғолиб чиққан. Шунингдек, Жанубий Корея миллий жамоаси «дубль» муаллифидир. Яна 5та жамоа қитъа биринчилигида 1 борадан тенгсиз бўлган. Улар орасида айни пайт УЕФА аъзоси саналган Исроил термаси ҳам бор.
ОКЕАНИЯ (ОкФК)
Яна бир ажабтовур конфедерация. Ҳозир Океанияда яққол гегемония ўрнатган жамоа - бу Янги Зеландия термаси. Тўғри, унинг 4 марта чемпион бўлиш баробарида рекордчига айланганида 3 карра ғолиб Австралия миллий жамоасининг Осиё футбол оиласига юзлангани катта ўрин тутади. Умуман, ОкФК атиги 3та чемпионга эга. Яъни «соккерузлар» ва «оқлар»дан ташқари, Таити миллий жамоаси ҳам бир сафар сеҳрли тарзда тахтга чиққан.
ЖАҲОН РЕЙТИНГИ
Футбол тарихида қитъа миқёсида лоақал 1 марта чемпионликка эришган жамоаларни умумлаштирсак, роппа-роса 50талик рўйхат юзага келади. Мақола давомида таъкидланганидек, Уругвай ва Аргентина термалари мутлақ пешқадам. КОНКАКАФ етакчиси Мексика термаси эса 3-ўринда.
Футбол тарихида қитъа чемпионига айланган жамоалар
№ Жамоа Конфедерация Марта
1 Уругвай КОНМЕБОЛ 15
Аргентина КОНМЕБОЛ 15
3 Мексика КОНКАКАФ 11
4 Бразилия КОНМЕБОЛ 9
5 Миср АФК 7
АҚШ КОНКАКАФ 7
7 Камерун АФК 5
8 Япония ОФК 4
Гана АФК 4
Янги Зеландия ОкФК 4
11 Германия УЕФА 3
Испания УЕФА 3
Нигерия АФК 3
Коста-Рика КОНКАКАФ 3
Саудия Арабистони ОФК 3
Эрон ОФК 3
Австралия ОкФК 3
18 Франция УЕФА 2
Италия УЕФА 2
Чили КОНМЕБОЛ 2
Парагвай КОНМЕБОЛ 2
Перу КОНМЕБОЛ 2
Кот-д~Ивуар АФК 2
Жазоир АФК 2
Конго ДР АФК 2
Канада КОНКАКАФ 2
Жанубий Корея ОФК 2
28 Португалия УЕФА 1
Греция УЕФА 1
Дания УЕФА 1
Нидерландия УЕФА 1
Собиқ Чехословакия УЕФА 1
Собиқ иттифоқ УЕФА 1
Замбия АФК 1
Судан АФК 1
Тунис АФК 1
Сенегал АФК 1
Эфиопия АФК 1
ЖАР АФК 1
Марокаш АФК 1
Конго Республикаси АФК 1
Гондурас КОНКАКАФ 1
Гаити КОНКАКАФ 1
Гватемала КОНКАКАФ 1
Қувайт ОФК 1
Исроил ОФК 1
Австралия ОФК 1
Ироқ ОФК 1
Қатар ОФК 1
Таити ОкФК 1
Изоҳ: Австралия термаси 4 карра қитъа чемпиони саналади. Фақат унинг Океания ва Осиёдаги ютуқлари алоҳида юритилади.
Диққат, Қатар-2022 мундиалини ўтказиб юборадиган миллий жамоаларга қарасак, ФИФА рейтингида бинойидек мавқега эга кучли дружиналар ҳам бор. Табиийки, улардан айримлари вақтида жаҳон ёки қитъа чемпионатида ғалаба нашидасини ҳам сурган.
