Старт важоҳати – даҳолик белгиси

 Диққат қилинг, Диего Симеоне жамоаси қаторасига 4-марта чемпионатнинг 1-турида 3 очко олди - стартда мутлақ важоҳат. Умуман, «матрасчилар» чемпионатнинг илк учрашувида ютқазишни асло хушламайдилар. Бу ҳам аргентиналик ўз ишининг устаси, қайсидир маънода даҳо мураббий эканлигидан бир нишона, албатта.

Испаниялик журналистлар «Атлетико» иштирокидаги илк ўйин арафасида ҳам Криштиану Роналдуни «матрасчилар» лагерига қўшилиши ҳақида ёзишда давом этишди. Чунончи, «МЮ» бош мураббийи Эрик тен Хаг АПЛдаги иккинчи мағлубиятдан сўнг клуб агар Криш ўрнига бошқа футболчи сотиб оладиган бўлса, уни қўйиб юборишини таъкидлади. Айтиш ўринли, нидерландиялик мураббий эътиборига тушган футболчилар орасида «рохибланкос»нинг икки вакили бор - Матеус Кунья ва Альваро Мората. Тен Хагнинг диди чакки эмас, Альваро илк учрашувда «дубл»га эришиб, Диего Симеоне ишончини тўла оқлади. Афтидан, «МЮ» назарига тушгани унга руҳий туртки берган кўринади. Қолаверса, Антуан Гризманн ўша оқшом ўзининг 22та ўйинга чўзилган голсиз сериясига нуқта қўйди. Ўйиннинг энг яхши футболчиси сифатида эса Жоау Фелиш эътироф этилди. Зеро, португалиялик «Атлетико» тарихида Ла Лиганинг 1та ўйинида 3та голга ассистентлик қилган иккинчи футболчига айланди. 2011 йилнинг сентябрь ойида «Спортинг»га қарши кечган баҳсда Габи худди натижага эришганди. 

Асосий факт шуки, «Эль Чоло» бошқарувидаги «матрасчилар» ўз анъаналарига содиқ қолишди: «Атлетико» 11 мавсумдан буён биринчи ўйинда енгилмаяпти. 

«Атлетико» Ла Лиганинг охирги 11 

мавсуми стартида

2022/2023: «Хетафе» (меҳ.) - 3:0

2021/2022: «Сельта» (меҳ.) - 2:1

2020/2021: «Гранада» (ўз май.) - 6:1

2019/2020: «Хетафе» (ўз май.) - 1:0

2018/2019: «Валенсия» (меҳ.) - 1:1

2017/2018: «Жирона» (меҳ.) - 2:2

2016/2017: «Алавес» (ўз май.) - 1:1

2015/2016: «Леванте» (ўз май.) - 1:0

2014/2015: «Райо Вальекано» (меҳ.) - 0:0

2013/2014: «Севилья» (меҳ.) - 3:1

2012/2013: «Леванте» (меҳ.) - 1:1

Равшан ИБРОҲИМ тайёрлади