Эрон — Ўзбекистон ўртасидаги 7:4 ҳисобида якунланган чорак финалнинг дастлабки ўйини жуда шиддатли ва томошабоп ўтди. Эрон жамоаси тажриба ва юқори тезлик ҳисобидан ўйинни назорат қилди, самарали ҳужумлари билан устунликка эришди. Ўзбекистон эса сўнгги дақиқаларгача курашиб, бир неча чиройли голлар уришга муваффақ бўлди, аммо рақибнинг босими остида мағлубиятни тан олди. Умуман, ўйин футзал ишқибозлари учун жонли ва драматик кечди. Шу пайтгача бу жамоага қарши 14та расмий баҳс ўтказиб, афсуски ҳаммасида мағлуб бўлганмиз ва бу сафар ҳам ушбу нохуш анъанани тўхтатолмадик.

Таиланд — Ироқ ўртасидаги 4:2 ҳисобида якунланган учрашув маълум маънода сенсацияли натижа бўлди. Чунки Таиланд Осиёда анъанавий равишда кучли жамоа саналади. Шу билан бирга, ўйин жараёни Ироқнинг ғалабаси ҳаққоний эканини кўрсатди: жамоа жисмоний тайёргарлик ва самарали ҳужумлар орқали устунлик қилди. Таиланд курашувчанлик намоён этди, аммо ҳимоядаги хатолар натижага салбий таъсир кўрсатди.

Япония Афғонистонга қарши баҳсда ташаббусни тўлиқ ўз қўлига олди. Учрашув бошиданоқ японлар ўйин ритмини белгилаб, рақибни ҳимояда қолишга мажбур қилди. Афғонистон жамоаси имконият излади, аммо кунчиқар юрт вакилларининг тартибли ўйини ва аниқ зарбалари натижасида дарвозаси олти бор ишғол этилди.

Индонезия – Вьетнам ўртасидаги ўйин жуда шиддатли ва томошабоп кечди. Учрашув давомида жамоалар очиқ ҳужумкор ўйин намойиш этишди. Индонезия ҳал қилувчи дақиқаларда аниқ ҳаракат қилиб, рақибини 3:2 ҳисобида мағлуб этди. Вьетнам охиригача курашди, аммо ҳисобни тенглаштиришга улгурмади.

ЭРОН –

ЎЗБЕКИСТОН – 7:4 (4:2)

3 февраль. Жакарта. Jakarta International Velodrome.

Ҳакамлар: Вахью Викаксоно (Индонезия), Чонг Куок Донг (Вьетнам).

Голлар: Илҳом Ҳамроев (7-авт.), Саид Аҳмад Аббоси (9), Муҳаммадҳусайн Дерахшани (12), Ҳусайн Сабзи (18, 40), Ҳусайн Тойиби (24-пен.), Беҳруз Азимиҳимматободи (31) – Ихтиёр Ропиев (1-пен.), Элбек Тўлқинов (5), Суннатилла Жўраев (26), Музаффар Аҳаджонов (33).

Эрон: 1.Бағир Муҳаммади, 5.Муҳаммадҳусайн Дерахшани, 7.Маҳди Карими, 12.Салар Ағапур, 14.Беҳруз Азимиҳимматободи.

Захира: 2.Маҳди Рустами, 3.Амирҳусайн

Ғуломи, 4.Ҳусайн Сабзи, 6.Меҳди Меҳдихани, 8.Муслим Оладғобад, 9.Саидаҳмад Аббоси, 10.Ҳусайн Тойиби, 11.Али Халилванд,

13.Масъуд Шавардази.

Ўзбекистон: 12.Аббос Элмуродов, 4.Ихтиёр Ропиев, 6.Илҳом Ҳамроев, 7.Акбар Усмонов, 10.Шаҳрам Фахриддинов.

Захира: 1.Шавкат Ибрагимов, 2.Анасхон Раҳматов, 3.Аброр Аҳметзянов, 5.Суннатилла Жўраев, 8.Хайрулло Солиҳов, 9.Элбек Тўлқинов, 11.Музаффар Аҳаджонов, 13.Элдор Ниғматов, 14.Самариддин Беркинов.

Огоҳлантиришлар: Саидаҳмад Аббоси (39) – Анасхон Раҳматов (2), Илҳом Ҳамроев (24), Суннатилла Жўраев (39).

Четлатиш: Аббос Элмуродов (31).

Ўйиндан кейинги фикрлар

Нодир Элибоев (Ўзбекистон терма жамоаси бош мураббийи): – Ассалому алайкум. Бугунги баҳс ҳақида фикр билдирадиган бўлсам, охирги дақиқаларгача кураш олиб боргани учун йигитларга миннатдорчилик билдириб қўймоқчи эдим. Албатта, Эрон миллий жамоасига қарши ўйинларда ҳимояни мустаҳкам қилиш жуда муҳим эди. Бироқ бунинг уддасидан чиқа олмадик. Қанчалик ачинарли бўлмасин, бу спорт. Ушбу натижа билан ҳаёт тўхтаб қолмайди. Бизга ишонган, қўллаб-қувватлаб турганларга катта раҳмат.

ТАИЛАНД – ИРОҚ – 1:4 (1:1)

3 февраль. Жакарта. Indonesia Arena.

Ҳакамлар: Суҳроб Сатторов (Тожикистон), Абдулраҳмон ал Доссари (Баҳрайн).

Голлар: Муҳаммад Османмуса (9), Чаовала (40) – Мустафо Эҳсон (8, 22), Салим Кадҳим (33), Иброҳим Аҳмад (37).

ЯПОНИЯ – АФҒОНИСТОН – 6:0 (1:0)

3 февраль. Жакарта. Jakarta International Velodrome.

Ҳакамлар: Иброҳим Меҳрабиафшар (Эрон), Тимур Рамазанов (Туркманистон).

Голлар: Казуя Шимицу (5, 26, 38), Шунта

Учида (27), Томоки Йошикава (27), Рюжи Изу (36).

ИНДОНЕЗИЯ – ВЬЕТНАМ – 3:2 (2:0)

3 февраль. Жакарта. Indonesia Arena.

Ҳакамлар: Ҳавкар Аҳмад (Ироқ), Порннаронг Грайрод (Таиланд).

Голлар: Брайан Ик (4), Фирман Ардиансияҳ (11), Ризо Гунаван (26) – Нгуен Да Хай (26, 36).

———————————————————-

ЯРИМ ФИНАЛ

5 февраль (пайшанба)

13:00 ИРОҚ – ЭРОН

Жакарта. Indonesia Arena.

17:00 ИНДОНЕЗИЯ – ЯПОНИЯ

Жакарта. Indonesia Arena.

ФИНАЛ

7 февраль (шанба)

17:00 Жакарта. Indonesia Arena.

ТЎПУРАРлар

Муҳаммад Османмуса (Таиланд) – 6та

Шото Яманака (Япония) – 4та

Казуя Шимицу (Япония) – 4та

Ҳусайн Тойеби (Эрон) – 4та…