«Қаримас» Криштиану Роналдунинг серҳосил фаолиятини бемалол икки қисмга бўлиш мумкин - 30 ёшгача ва ундан кейин. «Ал-Наср»нинг португалиялик етакчиси икки даврда бирдек ўйнаганини тасдиқловчи фактлар бисёр. Бу ҳақда кўп ва хўп ёзилди ҳам. Goal 24 эса ушбу хулосани қувватлантирувчи яна бир ажиб факт келтирди.
30 ёшдан кейин 34та «хет-трик». Ҳа, Криштиану Роналдунинг иқтидори вақт ўтгани сайин тобора сайқаллашиб бораётгандек. Таққослаш учун, Кришнинг футболдаги бош рақобатчиси Лионель Месси 30 ёшидан кейин 6 мартагина «хет-трик»ка эришди. Қаранг-а, аргентиналик бу борада Роналдунинг «чангида қолиб кетмоқда». Бошқа тан олинган голеадорларнинг 30 ёшдан кейинги «хет-трик»лари сони янада кам. Хуллас, Криштианунинг 30 ёшдан ошган варианти - космос!
