ВЛАХОВИЧ «БАВАРИЯ»ГА ТЕКИНГА ЎТИШИ МУМКИН

Сербия терма жамоаси ҳужумчиси Душан Влахович келаси йили «Ювентус»дан «Бавария»га ўтиши мумкин. Инсайдер Фабрицио Романонинг сўзларига кўра, мюнхенликлар клуби футболчининг ҳолатини диққат билан кузатиб бормоқда ва 2026 йилнинг ёзида текин трансфер имкониятини ўрганмоқда. Влаховичнинг «Юве» билан шартномаси жорий мавсум охирида якунига етади. ФИФА қоидаларига кўра, футболчи амалдаги шартномаси тугашига 6 ой қолганда (2026 йил январь) ёзда исталган клуб билан текин трансфер бўйича музокаралар олиб бориш ҳуқуқига эга. Манбага кўра, Душан ва «Ювентус» ўртасидаги янги шартнома бўйича ҳеч қандай келишувга эришилмаган. Transfermarkt маълумотларига кўра, серб Италия «А» Сериясининг энг кўп маош олувчи футболчиси бўлиб, унинг маоши 22,2 млн. еврони ташкил қилади.