«Барселона» бош мураббийи Ҳанси Фликнинг «Жирона»га қарши ўйинда қизил карточка олиши Испания футболида катта баҳс-мунозараларга сабаб бўлди. Каталонияликлар спорт директори Деку ҳакамларни жамоага нисбатан адолатсиз қарорлар чиқараётганликда айблади. «Флик ҳеч кимни ҳақорат қилмаганини айтди. Биз унинг майдондан ҳайдалиши бўйича апелляция бермоқчимиз. Ҳакамлар ҳар доим бизга нисбатан қаттиқроқ муносабатда бўлишади. Бу илгари ҳам кўп бор кузатилган ҳолат. Аммо биз баҳона қидирмаймиз, «Реал»га қарши баҳсда ҳам охиригача курашамиз». Шунингдек, клуб президенти Жоан Лапорта ҳам ҳакамлик масаласига муносабат билдирди. Унинг фикрича, ҳакамлар қарорларидаги номувофиқликлар «Барселона»га зарар етказмоқда: «Айрим «кўринмас кучлар» ҳакамлар фаолиятига таъсир кўрсатаётгани сезиляпти. Бу нафақат жамоамиз, балки бутун Испания футболи обрўси учун хавфли ҳолат».
Ла Лигадаги ҳакамлик энди “Барса”га ҳам ёқмаяпти
