Яқиндагина Қозоннинг «Рубин» клубидан Эрон чемпионатига йўл олган Ўзбекистон терма жамоаси марказий ҳимоячиси Рустам Ашурматов «Истиқлол» (Теҳрон)даги илк назорат ўйинидаёқ жароҳатланган эди. Форс матбуотида ёзилишича,, ҳамюртимиз 10 кунлик даволанишдан сўнг қайта тиббий текширувдан ўтди ва унинг тиззасидаги жароҳат жиддийроқ эканлиги маълум бўлди. таъкидланишича, Ашурматовнинг тўлиқ тикланиши камида 6 ҳафтадан кўпроқ вақт талаб қилади. «Истиқлол» шифокорлари бу борада тизза жароҳати бўйича мутахассислар билан маслаҳатлашишди. Ҳалигача тўсувчи боғламнинг узилиши аниқ тасдиқланмаган бўлса-да, ички боғламнинг шикастланиши футболчини 3-4 ойгача майдондан четда қолдириши мумкин.
Бу вақтда ярим ҳимоячи Одил Ҳамробеков «Тракторсози»нинг Туркиядаги йиғинида қатнашди. Ҳамюртимиз жумладан, Миср чемпиони - «Пирамидас»га қарши охирги назорат учрашувининг иккинчи бўлими бошида майдонга тушди. Теҳронликлар якунда мағлубиятни тан олишди - 1:2.
