Таниқли инсайдер Флориан Плеттенбергнинг хабар беришича, мерсисайдликлар "Ньюкасл" ҳужумчиси Александр Исак билан 2031 йилгача мўлжалланган шартнома бўйича келишиб олишди. Швед футболчиси "қизиллар" сафига айнан шу трансфер ойнасида қўшилишни истаяпти, клублар ҳозирда ўзаро музокаралар олиб боришмоқда. Манбага кўра, "Ливерпуль" футболчига Юго Экитикеникига тенг миқдордаги маош таклиф қилмоқда.
Исак АПЛнинг ўтган мавсумида 34та ўйинда иштирок этиб, 23та гол урди ва 6та голли узатмани амалга оширди.
